ვეტერინარული პრეპარატების
ქარხანა საქართველოში

     ბელორუსიის დედაქალაქ მინსკში 2017 წლის 6-10 ივლისს გაიმართა სპეციალიზებული აგროგამოფენა „ბელაგრო-2017“. გამოფენაზე წარმოდგენილი იყო აგრო-სამრეწველო კომპლექსის უახლესი, მოწინავე მიმართულებები.     გამოფენაზე ოფიციალური მიწვევით იმყოფებობდა საქართველოს სოფლის მეურნეობის სამინისტროს დელეგაცია. აღნიშნულ დელეგაციაში მონაწილეობდნენ ვეტერინარული პრეპარატების მწარმოებელი კომპანიის შპს „ვეტფარმის“ თანამშრომლები: ლეილა გრძელიძე, დირექტორის მოადგილე, სამეცნიერო-ტექნოლოგიურ დარგში, ტექნიკურ მეცნიერებათა დოქტორი ინჟინერ-ქიმიკოსი, ტექნოლოგი  და თენგიზ ყურაშვილი - ვეტერინარი, ვეტერინარულ მეცნიერებათა დოქტორი. გაიმართა არაერთი ნაყოფიერი შეხვედრა ვეტერინარული პრეპარატების მწარმოებელ კომპანიებთან.

   მიმდინარე წლის 26-30 აპრილს თურქმენეთში, ქალაქ აშხაბადში, თურქმენეთის სავაჭრო-სამრეწველო პალატის ეგიდით გაიმართა საერთაშორისო გამოფენა-ბაზრობა. გამოფენაზე წარმოდგენილი იყო სასოფლო-სამეურნეო პროდუქცია და ვეტერინარული პრეპარატები.    აღნიშნულ ღონისძიებაზე თურქმენეთის სოფლის მეურნეობის ოფიციალური მიწვევით იმყოფებოდა შპს „ვეტფარმის“ დირექტორის მოადგილე წარმოების დარგში - მამუკა ყიფიანი. შპს „ვეტფარმის“ მიერ წარმოებულმა ვეტერინარულმა პრეპარატმა „დარიშხანმჟავა თუთია“ ფართო ინტერესი გამოიწვია გამოფენის ოფიციალურ და არაოფიციალურ სტუმრებს შორის.    ბატონ  მამუკა ყიფიანს ჰქონდა შეხვედრები თურქმენეთის სოფლის მეურნეობის მინისტრის მოადგილესთან, ყაზახეთის, საუდის არაბეთის, კუვეიტის ოფიციალურ პირებთან.  ასევე ნაყოფიერი იყო მისი შეხვედრა თურქმენეთში საქართველოს ელჩთან გიორგი ყარანაშვილთან.

       2017 წლის 14 მარტს  გაიმართა შპს „ვეტფარმის“ მენეჯმენტის პირველი სამუშაო შეხვედრა ქ. თბილისის მერიის სსიპ  ცხოველთა მონიტორინგის სააგენტოსთან; შეხვედრის ძირითადი თემა  იყო  უმეთვალყურეო ცხოველების მკურნალობისა და დაავადების პრევენციისათვის „ვეტფარმის“ მიერ წარმოებული ანტიჰელმინთური პრეპარატის - დარიშხანმჟავა თუთიის, გამოყენების პირობებისა და პერსპექტივის შეფასება.    სააგენტოს მხრიდან შეხვედრაში მონაწილეობდა სააგენტოს თანამშრომელთა ძირითადი შემადგენლობა სააგენტოს დირექტორის მოადგილის ა. კოდუას ხელმძღვანელობით; სამუშაო შეხვედრაზე დასმულ იქნა საკითხები და მხარეთა მიერ განისაზღვრა პრინციპები, რომელთა განხორციელებისათვის ერთობლივ მუშაობას  მნიშვნელოვანი შედეგის მოტანა შეუძლია როგორც ცხოველებისადმი ცივილიზებული დამოკიდებულების, აგრეთვე ქალაქის სანიტარულ-ეპიდემიოლოგიური მდგომარეობის  გაუმჯობესების მიმართულებით.    მიღწეულ იქნა შეთანხმება თანამშრომლობის კონკრეტული საკითხების დამუშავებისა და სამომავლო ერთობლივი საქმიანობის  პერსპექტიული  გეგმა-პროექტის მომზადების შესახებ.

        თბილისში, 2017 წლის 30 იანვარს გაიმართა სამუშაო შეხვედრა და ხელი მოეწერა ხელშეკრულებას შპს „ვეტფარმსა“ (საქართველო) და შპს სამეცნიერო-საწარმოო გაერთიანებას „ინოვაციური უჯრედოვანი ტექნოლოგიები“ (რუსეთის ფედერაცია)  წარმომადგენლებს შორის.          შეხვედრას ესწრებოდნენ: სამეცნიერო საწარმოო გაერთიანება „ინოვაციური უჯრედოვანი ტექნოლოგიების“ გენერალური დირექტორი ა.ვ. კურბატოვი; გენერალური დირექტორის მოადგილე რეგენერაციული მედიცინის დარგში, მედიცინის მეცნიერებათა დოქტორი, დამსახურებული ექიმი ვ.ნ. ტიჩინინი; უჯრედოვანი კულტურების ლაბორატორიის ხელმძღვანელის მოადგილე, მედიცინის მეცნიერებათა კანდიდატი, უმაღლესი კატეგორიის ექიმი უ.ფ.მელიანოვა.        თბილისის აგრარული უნივერსიტეტის სავეტერინარო მედიცინის ინსტიტუტის კლინიკის დირექტორი, დოქტორი თ.ყურაშვილი

გაიმართა საკონსულტაციო შეხვედრა შპს „ვეტფარმსა“ და სამეცნიერო-საწარმოო გაერთიანებას „ინოვაციური უჯრედოვანი ტექნოლოგიები“ (რუსეთის ფედერაცია) შორის. მხარეები შეთანხმდნენ  ერთობლივი სამეცნიერო-კვლევითი და ტექნოლოგიური სამუშაოების დაგეგმვა-განხორციელების შესახებ; გათვალისწინებულია  შინაური ცხოველების ფართო სპექტრისათვის თანამედროვე, მაღალტექნოლოგიური, ღეროვანი უჯრედების ბაზაზე სამკურნალო და პროფილაქტიკური ვეტერინარული პრეპარატის შემუშავება, გამოცდა და წარმოებაში დანერგვა. სამუშაოების დასრულება განსაზღვრულია 2018 წლის დასაწყისისათვის.

შპს „ვეტფარმმა“ ხელი მოაწერა ხელშეკრულებას თანამშრომლობის შესახებ საქართველოს აგრარული უნივერსიტეტის სავეტერინარო მედიცინის ინსტიტუტთან შინაური ცხოველების (ძაღლი, კატა, ღორი, მსხვილფეხა რქოსანი პირუტყვი, ცხენი) ანტიჰელმინთური პრეპარატის შემუშავების, გამოცდისა და წარმოებაში დანერგვასთან დაკავშირებით.